连日来坊间舆论一面倒唱好大市，股评人的心水选择大多熟口熟面，不是新能源便是内需、食品或半新股，短炒无妨，但要了解全年动态，只得几个**「冧巴」唔系办法。

　　从目前掌握的数据可轻易得出今年市场重点，乜嘢新能源、家电汽车计算机下乡甚至农业股，全部细眉细眼睇怕都系见光死。其实今年宏观大主题只得一个，就系全球性通胀。

　　去年 12月，越南消费价格指数升 6.5%；印度食品批发价升至近 11年新高，同比升近两成，迫使央行考虑加息；中国采购经理指数高企 56.6，针对原材料库存嘅数字更系 05年有纪录以来最高，反映企业买料生产步伐加快，即系存货卖得快咗。

　　今年市场焦点走唔甩

　　表面睇确有复苏势头，可惜 PMI数据反映唔到货品价格到底贵咗几多。就以印度为例，当地 12月 PMI连续 9个月高于 50水平，而新接单指数劲弹到 60.1，冠绝全球。风光背后，由于去年气候反常令农作物失收，喺食品价格带动下，印度食品批发价格指数近几周涨幅徘徊两成高位。全球三大大米出口国当中，印度同越南已经算系出咗事，好彩泰国仲保持不多于 4%通胀，但久守必失，美国大印银纸，被动嘅亚洲**点会唔当殃。

　　若有留意近日汇价走势，美元**浪未完，股市楼市竟然继续有得升，主张美元同股市背道而驰简单线性关系嘅朋友，要小心行事否则随时被挟死。美元**，商品价格又弹，若趋势持续，「苦过弟弟」嘅将会系除咗美国同埋香港以外嘅所有人，因为一来美金贵咗，石油加埋价，铜铁、铝材同金全线升，见到都心寒，通胀点会唔恶化。

　　不过，香港夹喺同美金挂钩及中国十几亿人口的经济体系中间，货币**跟美国，但经济增长动力却源自中国。美国要压通胀极可能加息，但中国负担唔到只能继续价格管制，结果引伸更大的系统问题。香港夹喺中间，两边不是人，打工仔人工冇得加，但食品租金就越嚟越贵，难怪同**老手倾开都话，雷曼事件后边个都信唔过，惟有将老本买楼保值，外边世界系点都顾唔得咁多。